Eguna heltzear dago eta urduritasuna, alaitasuna … sentimenduak ditugu barnean. Honen eragilea dugu X. Urteurrena , Algara Dantza Taldearen X. Urteurrena, behin besterik burutuko dena.

Hau ospatzeko, xede asko ditugu buruan, batzuk beste batzuk baino hobeak, guztiak, ordea, gogokoak, hauek heltzeko egunak kontatzen ditugunak, irrikitan itxaroten ditugun ospakizun, ekitaldi etab.

Honen adibide garbia dugu San Prudentzion ospatuko den erretreta, non, lehenengo eta hirugarren laurdenean arituko garen Uztairintza, Arinzki, Dirdai eta Dantzaki koreografiekin besteak beste.

Maiatzaren 9an, aldiz, Algarak antolatutako lehenengo Euskal Jaia burutuko da Gasteizen eta ekainaren 27an, Algaran dantzatzen duten txikiek hartuko dute lekukoa eta beraiek izango dira Txikien Euskal Jaiko protagonistak.

Beraz, proiektu hauek guztiak eta beste asko burutzea espero dugu, taldea aurrerantz eramanez eta zuek, ikusleak, gurekin disfrutatuz.